தமிழ் இனக்குழுக்களின் ஆட்சி என்றால் அது களப்பிரர்களின் ஆட்சி.

தமிழ் இனக்குழுக்களின் ஆட்சி என்றால் அது கி.பி.4 ஆம் நூற்றாண்டை தொடங்கி கி.பி.6 ஆம் நூற்றாண்டு வரை தொடர்ந்த களப்பிரர்களின் ஆட்சி.
இவர்களின் காலத்தில் தனியுடமையாக இருந்த நிலங்கள் மற்றும் பார்ப்பனர்களுக்கு தானமாக வழங்கப்பட்ட நிலங்கள் பறிக்கப்பட்டு பொதுவுடமை நிலங்களாக மாற்றப்பட்டன.
தமிழுக்கு சங்கம் அமைக்கப்பட்டு தமிழ் இலக்கியம் வளர்ச்சியில் கவனம் செலுத்தினர்.

வைதீகம் கற்பித்த உயர்வு தாழ்வை எதிர்த்து "பிறபொக்கும் எல்லா உயிர்க்கும்’ சமத்துவம் பேசிய திருக்குறளும் களப்பிரர் காலத்தில் இயற்றப்பட்ட ஒன்று.
மணிமேகலை, சீவகசிந்தாமணி போன்ற காப்பியங்களும் இவர்களின் காலத்தில் இயற்றப்பட்டது.
தமிழகம் முழுவதும் பௌத்தமும் சமணமும் களப்பிரர் காலத்தில் தழைத்தோங்கியது.
இவர்களின் ஆட்சியை தான் பல்லவர்களும் பாண்டியர்களும் இணைந்து வீழ்த்தினர்.
இனக்குழுக்களின் பொது நிலத்தை கைப்பற்றி மீண்டும் பார்ப்பனர்களுக்கு தானமாக வழங்கினர். நிலத்தின் மீது நிலவிய பொதுவுடைமையை நீக்கியதனாலேயே ‘பொது நீக்கி’ என்று இம்மன்னர்கள் புகழப்படுகிறார்கள்.
உலகம் முழுதும் மன்னர் ஆட்சிகளுக்கு எதிராக மக்களாட்சி மலர செய்து வரலாறு இருக்கிறது.இதற்கு அண்மை உதாரணம் நேபாளம்.
ஆனால் தமிழர்கள் சிந்தனை என்பது தலைக்கீழ்.எங்களுக்கு மக்கள் ஆட்சி வேண்டாம்.மன்னார் ஆட்சி போதும்.ஏனெனில் மன்னார் ஆட்சி என்பது பூலோக சொர்கம் என்பது இவர்களின் கற்பனைவாத கணிப்பு.
மன்னர்கள் கட்டிய கோயில்களை சான்றாக வைத்து அவர்களுக்கு புனிதர் பட்டம் வழங்குவது தமிழர்களின் தொன்றுதொட்ட பழக்கம். பிம்ப வழிப்பாட்டுக்கு ராஜ ராஜ சோழன் முதல் எம்.ஜி.ஆர்.வரை ஆக சிறந்த சான்று.