தமிழ்நாட்டில் பார்ப்பன துவேசம் அதிகம் என்று பக்ஷி போன்ற பார்ப்பன அறிஞர்கள் சொல்லிக்கொண்டே இருப்பார்கள். நமக்கே சில சமயம் தோணும்...இந்த பெரியாரிஸ்டுகள் எல்லாம் மோசம் பா.. எப்போ பாத்தாலும் பாப்பான் பாப்பான் ன்னு சொல்லிக்கிட்டே இருக்காங்க. அவங்களும் நம்மள மாதிரி ஒரு மனுஷன் தானேன்னு மனிதம் பேசுவாங்க. அதுக்கு பெரியாரிஸ்டுகள் திரும்ப திரும்ப நாங்க பார்ப்பனர் என்று மனிதர்களை சொல்லல.. பார்ப்பனீயம் என்ற கொள்கையை தான் தாக்குகிறோம் என்பார்கள். பார்ப்பனீய மனப்பான்மை என்பது பார்ப்பனர்களிடம் மட்டுமல்ல அது கவுண்டர், தேவர், வன்னியர், நாடார் என பிற்படுத்தப்பட்ட சாதிகளிடம் இருந்து இப்போது தாழ்த்தப்பட்டவர்கள் வரை உள்ளே புகுந்து இருக்கிறது. யார் ஒருவனும் பிறப்பால் தன்னை உயர்ந்தவன் என்று எண்ணிக்கொண்டாலே அங்கே பார்ப்பனீயம் இருக்கிறது என்று தான் அர்த்தம். பெரும்பாலும் பார்ப்பனர்கள், மற்ற சாதிகளை போல சாதிச்சண்டையில் ஈடுபட மாட்டார்கள். தள்ளிநின்று வேடிக்கை பார்ப்பார்கள். அல்லது மூடிய குழுமத்திற்குள் பேசிக்கொண்டு இருப்பார்கள். எப்போயாவது தான் அவர்கள் சுயம் பொதுவில் வெளிப்படும். வழக்கறிஞர் அருள்மொழி அவர்களை ஒரு பிராமண பட்டர் ஆபாசமாக பேசியதை மீமாக நண்பர் ஒருவர் தயாரித்து கொடுக்க அதை நானும் கவிதா சொர்ணவல்லியும் ஷேர் செய்ய எங்களை காவிக்கும்பல் ரவுண்டு கட்டி தாக்கிக்கொண்டு இருந்தது. அதில் நான் புள்ளப்பூச்சி. அவங்க டார்கெட் கவிதா தான். கவிதா நேருக்கு நேர் வெளிப்படையாக பேசுபவர். திட்டுவது என்றாலும் சரி, பாராட்டாக இருந்தாலும் சரி.. முகத்துக்கு நேராக பேசுபவர். ஆகையால் தான் அவரை காவிகள் குறிவைத்தார்கள்.

இதேபோன்ற இன்னொரு சம்பவம், ஒரு மூடிய பார்ப்பன சாதி குழுமத்தில் பெரியாரை வைத்து ஒரு போஸ்ட். அதை நான் ஷேர் செய்து இருந்தேன். ஒரு பெரும் பார்ப்பன கும்பல் என் பதிவில் வந்து சண்டைப்போட்டு கொண்டு இருந்தார்கள். அதில் சில பெண்களும் இருந்தார்கள். இன்னும் சொல்லப்போனால், பசங்க அமைதியாக பேசிக்கொண்டு இருந்தார்கள். பெண்கள் தான் ஆவேசமாக சண்டைபோட்டுக்கொண்டு இருந்தார்கள். கடைசியில் அந்த பதிவையே நான் "ஒன்லி மீ" க்கு மாற்றினேன்.

இப்போது மீண்டும் ஆண்டாள் ரூபத்தில் எச். ராஜா கள், நித்யானந்தன்கள், நித்யானந்தா பக்தர்கள் என எல்லாரும் வண்டை வண்டையாக கெட்டவார்த்தையில் வெளிப்படையாக பேசிக்கொண்டு இருக்கிறார்கள். மோடியும், காவியும் தரும் தைரியம் அவர்களுக்கு.

நிற்க!

கீழ்கண்ட பதிவை எழுதியவர் என் நட்பு பட்டியலில் இருப்பவர் தான். இரண்டு நாளாக அவருக்கும் கவிதா சொர்ணவல்லிக்கும் சண்டை நடக்கிறது. சண்டையின் ஆரம்பம் எதோ ஒரு பதிவில் இருந்த கமெண்ட் தான் என்று நினைக்கிறேன். அது அப்படியே தொடர்ந்து எதில் வந்து நிற்கிறது என்றால்... "தலித்து தண்டங்கள்", "சக்கிலிய சனியன்கள்" , "இடஒதுக்கீட்டு பிச்சை" என்ற அதே சாதியவாதிகளின் டெம்ப்லேட்டில் வந்து நிற்கிறது.

கமலஹாசன் அவர் படத்தில் பாப்பாத்தி என சொன்னதை கன்னாபின்னாவென்று கண்டித்தவர்கள் தான்.. ஜெயலலிதா..நான் ஒரு பாப்பாத்தி என்று சொன்னதை கள்ளமாக ரசித்தவர்கள்.

மூடிய குழுவில் சாதிப்பெருமை பேசி கும்மியடிக்கும் சாதியவாதிகளை விட.. சமூகத்தில் சகஜமாக நம் தோளோடு தோளாக பழகி சாதிய வன்மத்தை கக்குபவர்கள் தான் அதிகமாக இருக்கிறார்கள்.

அதாவது ரிசர்வேஷன் பிச்சையாம்..

அப்ப கோயில்ல தட்ட நீட்டுறதுக்கு பேரு என்னவா இருக்கும்??

இந்த ஊர்ல தீபாராதனை காட்டுறவன் எல்லாம் தீவிரவாதியால்ல இருக்கான்.

என்ன ஒரு வன்மம். ஏன் ரோஹித்களையும், சரவணன்களையும், சரதகளையும் இன்னும் நாம் பறி கொடுத்து கொண்டிருக்கிறோம். அம்மணி உங்களைப்போல் இவர்கள் எல்லாம் கு. காட்டி மானியம் வாங்கி பிழைக்க வில்லை. ஆயிரம், ஆயிரம் ஆண்டுகளாக வர்ணம்ஸ்ரமம் என்று சொல்லி நீங்கள் தான் அப்படி வச்சிருக்கீங்க