எங்கள் திராவிடம்!
தங்கம் விளைந்த நிலம் - எங்கள்
தாய்நிலம் போற் காண்கிலம்-உயர்
செங்கதிர் போல் திங்கள்போல் - துலங்கும்
திராவிட மாநிலமே!
எங்கும் வளப்பம் மிகும் - புகழ்
எண்ணத் தகும்தாயகம் - கழை
தெங்கும்செந் நெல் கமுகும் - விளையும்
திராவிட நல்லகமே!
அன்பு பதிந்த இடம் - எங்கள்
ஆட்சி சிறந்த இடம் - நல்
இன்பம் நிறைந்த இடம் - எமைஎல்லாம்
ஈன்ற திராவிடமே!
- பாவேந்தர் பாரதிதாசன்
(குயில் 25.08.1947)
No comments:
Post a Comment